O Concello de Oroso organiza un curso de decoración de Nadal de cupcakes e galletas, que terá lugar os sábados 22 e 29 de novembro e 13 e 20 de decembro no centro cultural de Sigüeiro. Dirixido a veciños e veciñas a partir dos 11 anos, o curso terá lugar en horario de 11:00 a 12:30 horas e o Concello de Oroso porá servizo de coidado de nenos/as para todos aqueles pais e nais que o precisen.
O prezo do curso, material incluído, é de 40 euros para empadroados (44 para os non empadroados). O prazo de anotación xa está aberto e as anotacións realizaranse por rigorosa orde de inscrición no Departamento de Cultura do centro cultural de Sigüeiro (981 690 903).
